Коммерцияландыру және инновациялар орталығы (КжИО) қызметінің мақсаты: жаңашылдығы бар және нарыққа бағдарланған бәсекеге қабілетті ғылыми-техникалық және өзге де зерттеу өнімдерін құру, жаңа технологияларды әзірлеу немесе қолда бар технологияларды жетілдіру, өнімдердің немесе көрсетілетін қызметтердің жаңа түрлерін игеру, сондай-ақ жаңа технологияларды ілгерілетуге ықпал ететін өндірістік, әкімшілік, коммерциялық немесе өзге де сипаттағы ұйымдастырушылық-техникалық шешімдер технологиялар.
Негізгі мақсатқа қол жеткізу үшін КжИО шешетін міндеттер:
- университеттің инновациялық қызметін дамыту стратегиясын әзірлеу;
- зияткерлік меншікті және авторлардың құқықтарын қорғау үшін жағдай жасау;
- халықаралық ғылыми-техникалық ынтымақтастықты кеңейту.
- жаратылыстану, ауыл шаруашылығы, техникалық, әлеуметтік, гуманитарлық және педагогикалық ғылымдардың өзекті мәселелері бойынша іргелі және қолданбалы ғылыми зерттеулер жүргізуде университет ғалымдары мен ПОҚ-ын ұйымдастыру және жәрдемдесу;
- университеттің іргелі және қолданбалы ғылыми-зерттеу жобаларының тізілімін қалыптастыру және уақытылы орындалуына мониторинг (бақылау) жүргізу;
- гранттық ғылыми және (немесе) ғылыми-техникалық бағдарламалар бойынша ғылыми жобалар конкурстарының өткізілуі туралы ғалымдар мен ПОҚ-ты уақтылы хабардар ету;
- ғылымды бюджеттік және бюджеттен тыс қаржыландыруды іздеу;
- ҚР әртүрлі ұйымдарының гранттық бағдарламалары бойынша ғылыми жобалардың орындалуын мониторингілеу;
- іскерлік кездесулер, конференциялар, симпозиумдар, дөңгелек үстелдер, форсайт-сессиялар және басқа да іс-шаралар өткізу;
- ЖОО-ның ғалымдары мен ПОҚ-мен бірлесіп, ғылыми әзірлемелерді коммерцияландыру үшін перспективалы инновациялық жоба нысанында ресімдеу;
- ғылыми зерттеулер мен әзірлемелердің нәтижелерін коммерцияландыру мақсатында университеттің әлеуметтік серіктестері – өңірдің жетекші кәсіпорындарымен байланыс орнату.
